Норвегия уонна саха учуонайдара Чурапчы Бахсы нэһилиэгэр айаннаатылар. Онно норуоттар икки ардыларынааҕы сайыҥҥы бизнес-оскуола үлэлиэ.

Содружествоны салайыы ХИФУ-гар бэриллибитэ. Ити конференция Норвегияҕа буолбакка, Саха сиригэр ыытыллыбытын сүрүн төрүөтэ буолла.

ХИФУ финансовай-экономическай институтун дириэктэрэ Александр Кугаевскай эппитинэн, Саха сирин элбэх дойдулартан талбыттар.

«Бу күҥҥэ диэри конференция Норвегия Гаргиа сиригэр-уотугар уон сыл устата ыытыллара. Ис хоһоонун тиһигин салайыы Россияҕа бэриллибитэ. Салайыыны ХИФУ үп-харчы, экономика институтун нөҥүө тэрийэбит. Өктөмҥө тэрийии туһунан элбэхтэ дьүүллэспиппит. Арааһа, манна өр кэм устата ыытыллара буолуо».

Эһиил манна Россия уонна аан дойду хоту университеттарын бэрэстэбиитэллэрэ түмсүөхтэрэ. Манна хоту сир проблематын араас өттүттэн ырытыахтара. Алексей Кугаевскай эппитинэн, экономика, хаһаайыннааһын, киһи олоҕун хааччыйыы саамай уйан өттүгэр ураты болҕомто ууруллуоҕа.