Фермердэр бу үөрүүлээх тэрээһиннэрэ Мэҥэ-Хаҥалас Майатыгар буолла.

2014 сыл бэс ыйын 2-тэн 17-гэр диэри бааһынай хаһаайыстыбалар «Бааһынай фермаларга тирэҕирбит дьиэ кэргэн ферматын сайыннарыы» тус сыаллаах бырагыраамаҕа кыттыбыттара. Бэс ыйын 24 күнүгэр куонкурс хамыыһыйата бырагыраамаҕа кыттар дьону быһаардылар.

Куонкуруска барыта 53 сайаапка киирбититтэн 24 грант ылла.

Граннар уопсай суумалара бырайыак суолтатыттан уонна ороскуотуттан көрөн 1 159 тыһ. солк. 6 мөл. солк. диэри халбаҥныыр.

Бастыҥ бааһынай хаһаайыстыбалар бэйэлэрин бастыҥ үлэһиттэрин наҕараадалаатылар.

Тыа сирин социальнай сайдыытын департаменын специалиһа Зарема Бочкареваҕа «РФ бочуоттаах фермера» диэн үрдүк ааты иҥэрдилэр.

Тыа хаһаайыстыбатын туйгуна республика наҕараадата Леонид Егоровка (Мэҥэ-Хаҥалас, Хаптаҕай)  Прокопий Егоровка ((Мэҥэ-Хаҥалас Табаҕа),  Михаил Егоровка  (Амма), Варвара Лукинаҕа (Нам, Бөтүҥ), Алексей Петровка (Горнай, Бэс-Күөл), Гаврил Прядезниковка (Уус-Алдан, Дүпсэ), Илья Птицыҥҥа (Мэҥэ-Хаҥалас, Тумул), Николай Саввиҥҥа  (Таатта, Туора-Күөл), Федот Сивцевка  (Чурапчы, Уһун-Күөл) туттарылыннылар.

Сэттэ фермергэ министиэристибэ бочуотунай грамотата, биэс фермергэ махтал суруга туттарылынна.