«Ураты ыарахан буруйу оҥоруу көрдөрүүтэ аччаата. Буруйтан дьон өлүүтэ аҕыйаата», - диэн  Неустроев  эппитин ИдьМ пресс-сулууспата иһитиннэрэр.

Уоруу, массыынаны илдьэ барыы ахсаана аҕыйаабыт. Ол эрээри, итирик туруктаах, сэби-сэбиргэлии туһанан буруйу оҥоруу көрдөрүүтэ улааппыт. Ыарахан буруй 90 бырыһыанын итирик туруктаах дьон оҥорбуттар.

Быйыл федеральнай бюджеттан Горнайга, Уус-Алдаҥҥа, Кэбээйигэ модульнай дьиэлэри тутуу саҕаланна.
Бырабыыталыстыба бэрэссэдээтэлин солбуйааччы  Александр Соловьев бу коллегияҕа сырытта уонна криминальнай быһыы-майгы аҕыйаан иһэрин бэлиэтээтэ.

Үрдүкү суут бэрэссэдээтэлэ  Людмила Горева  уонна өрөспүүбүлүкэ прокуруорун солбуйааччы  Борис Самойленко баар итэҕэстэри ыйдылар.