- хонуу, бадараан көтөрүгэр, боровой көтөргө булчут ыттарынан бултааһын – 2014 сыл атырдьах ыйын 9-тан алтынньы 20-гэр диэри;

- хонуу-балдараан уонна ууга устар көтөргө – 2014 сыл атырдьах ыйын 16-тан алтынньы 2-гэр диэри;

- истиэп, хонуу көтөрдөрүгэр Алдаҥҥа, Аммаҕа, Үөһээ Бүлүүгэ, Бүлүүгэ, Горнайга, Кэбээйигэ, Ленскэйгэ, Мэҥэ-Хаҥаласка, Мииринэйгэ, Намҥа, Нерюнгрига, Ньурбаҕа, Өймөкөөҥҥө, Сунтаарга, Тааттаҕа, Томпоҕо, Уус-Алдаҥҥа, Уус-Маайаҕа, Хаҥаласка, Чурапчыга, “Дьокуускай куорат” куорат уокуругар – 2014 сыл атырдьах ыйын 16-тан алтынньы 20-гэр диэри;

- уларга, атыыр куртуйахха, бочугураска – 2014 сыл атырдьах ыйын 16-тан ахсынньы 31-гэр диэри;

- куруппааскыга – 2014 сыл атырдьах ыйын 16-тан 2015 сыл олунньу 28-гар диэри.

Ууга устар көтөрү бултааһыҥҥа сайабылыанньаларынан көҥүл бэриллэр:

- сыһыарыллыбыт бултуур сирдэргэ — юридическэй сирэйдэргэ, индивидуальнай предпринимателлэргэ;

- дьон барыта туһанар сирдэригэр – СӨ булт хаһаайыстыбатын департаменын оройуоннааҕы государственнай инспектордар үлэлиир сирдэригэр.

Дьокуускай куоракка ууга устар көтөргө бултааһыҥҥа сайабылыанньалар уонна көҥүл маннык аадырыска бэриллэллэр: Дьокуускай к., Петровскай аат.уул.,, 19/5 «Госохотохрана» хонтуората.

Боровой көтөргө сайабылыанньалар уонна көҥүллэр Дьокуускай к. Чернышевскай аат.уул,14, булт хаһаайыстыбатын департаменыгар киллэрэҕит  уонна ылаҕыт.

Сайабылыанньа былааҥката уонна госпошлина квитанцията Интернеккэ :http://sakha.gov.ru/node/35243 аадрыска баар.