«Көрдүүр бөлөх састаабыгар ИДьМ үлэһиттэрэ, 28-с №-дээх баһаар сулууспатын этэрээтэ киирэр", - диэн быыһыыр сулууспаттан иһитиннэрдилэр.

2014 сыл атырдьах ыйын 4 күнүгэр полициялары, быыһааччылары тиэйбит Ми-8 вертолет тиийдэ. Тиийээт да, бу дьон пилота суох көрдүүр аппараатынан оҕону көрдүүллэр.

Кэччи нэһилиэгэр 37 киһилээх, 4 тиэхиньикэлээх суһаллык дьайар штаб үлэлиир.

СИА-ҕа эрдэ суруллубутун курдук, атырдьах ыйын 2 күнүгэр РФ ИДьМ Өлүөхүмэтээҕи тэрилтэтин дьуһуурунай чааһыгар оҕо сүппүтүн туһунан иһитиннэрии киирбит. 4 саастаах кыыс от ыйын 29 күнүгэр дьиэтиттэн барбыт. Кыыс ийэтэ оҕону ыаллыы баар нэһилиэккэ олорор аҕата ылбыт дии саныы сылдьыбыт. Ол эрээри, оҕо аҕата баһаары умуруорууга үлэлии сылдьар буолан, оҕону ылбатаҕын туһунан эппит.