«Быйылгыттан ыла энергияны кэмчилиир хочуоллары туоруруу бырагырааматын уһук хоту хас да нэһилиэгэр киллэрэн эрэбит. Уһуннук умайыыны хааччыйар хочуоллар итиини бигэтик биэрэллэр уонна энергияны кэмчилиллэр. Саха сирин хас да оройуонугар маны олус биһирээтилэр», - диэтэ вице-премьер.

Хоту сиргэ маннык бастакы оборудованиены Булуҥ оройуонугар Сииктээх нэһилиэгэр туруоруохтара, дьон олоҕор табыгастаах усулуобуйаны тэрийиэхтэрэ.

«Хочуоллары кыра дохуоттаах, кыаммат уонна нэһилиэнньэ сорох категориятыгар туруоруохтара», - диэн СИА-ҕа ДьКХЭ министиэристибэтигэр эттилэр.  

Өрөспүүбүлүкэ араас оройуоннарыгар 40 хочуолу боруобалааһын быһыытынан туруорбуттара. Онно биллибитинэн, хочуоллар уматыгы 2-2,5 төгүл аҕыйаҕы ороскуоттуулларын быһаардылар.

Министиэристибэ бэрэстэбиитэлэ эппитинэн, Мэҥэ-Хаҥалас Быраматыгар маннык хочуоллары туруорбуттар. Хочуолларынан ититиллэр дьиэлэри муниципалиет толору хааччыйбыт: септиктэри, уу иһиттэрин туруорбут. Маны дьон олус биһирээбитэ чахчы.

 Уһуннук умайыыны хааччыйар хочуоллары биирдэ оттуу дьиэни 1,5-3 күҥҥэ диэри ититэр кыахтаахтар.