Ыраах Төбүлэх нэһилиэгэр А.П. Стручков кыһыҥҥы айан суолун аартыгар «Чайной» аһан үлэлэтэр. Оттон Хонуу бөһүөлэгэр С.В. Кадулин хаһыс да сылын сибиинньэ иитиитинэн дьарыктанар. С.Г. Королев хортуппуйу үүннэрэн, күһүнүн өлгөм үүнүүнү ылар.

Улахан Чыыстай. нэһилиэгэр кэнники кэмҥэ олох-дьаһах өҥөлөрүгэр хамсааһын тахсыбыта бэлиэтэнэр. Ол курдук, И.Г. Винокурова иискэ, Н.В. Гайсарова парикмахер өҥөтүгэр ылыстылар. Соболооххо О.А. Шкулева иккис сылын килиэп үтэр, бурдук аһыастыыр, П.А. Хабаров таксистаан айаны-сырыыны чэпчэтэр. Атахтарыгар бигэтик турбут урбаанньыттар О.А. Шкулева, С.С Фазульянова, М.Н. Черемкин, В.И. Сокорутова, А.Х. Мальсагова, Н. Недвига, о.д.а. бизнес ымпыгын-чымпыгын толору баһылаабыттара мэлдьэһиллибэт.

Черскэй сис хайаларын быыһыгар сытар Муома оройуонугар, транспорт уустук схематын аахсыбакка, баар кыһалҕалартан чаҕыйбакка, олохпут тупсарын туһугар туруулаһар урбаанньыттарбытыгар махтаныах эрэ тустаахпыт.

Урбаанньыт Михаил Черемкин уонна кини хотугу сири хаартыскаҕа дьүһүйүүлэрэ.