Конференция иннинэ неврология уонна психология кафедратын сэбиэдиссэйэ, профессор Татьяна Николаева: "Бүгүн неврология уонна тымыр атын ыарыыларын туһунан кэпсэтиэхпит. Инсульт, эпилепсия ыарыылар кыһалҕаларын ырытыһыахпыт. Новосибирскайтан кэлбит "Центр Рассеянного склероза" тэрилтэ салайааччыта Надежда Алексеена биһиги быраастарбытын кытта үөрүйэҕин үллэстиэҕэ", -- диэн иһитиннэрдэ.

СИА корреспонденыгар өрөспүүбүлүкэтээҕи 2 №-дээх балыыһа кылаабынай бырааһа Борис Андреев биһиги өрөспүүбүлүкэбитигэр тымыр уонна ньиэрбэ ыарыыларын туһунан кэпсээтэ: "20 сыллааҕыта "рассеянный склероз" диэн ыарыы биһигини, сахалары, таарыйбат дии саныырбыт. Ол эрээри, кэлиҥҥи сылларга бу ыарыы олус тарҕанна. Биллэн турар, маныаха экология, сөпкө аһаабаппыт уонна үгүс фактордар дьайаллар. Хомойуох иһин, билигин эдэр дьон эмиэ ыалдьар буоллулар. Биһиги маннык ыарыылары эмтиир кииммит үлэтэ түмүктээх диэн бэлиэтиэхпин баҕарабын. Уопсайа 300 тахса киһи ыалдьыбытыттан, 120-тэ сөптөөх эмтэниини ылар. Бэттэх кэлэр. Итиэннэ инсульт уонна инфаркт ыарыыттан өлүү аҕыйаабыта бэлиэтэнэр".