Белоруссия НАН президиумун бэрэссэдээтэлин солбуйааччы Сергей Чижик РНА Ураллааҕы отделениетын уонна Саха сирин наукаларын академияларын кытта бииргэ үлэлиир туһунан сөбүлэһиигэ илии баттаатылар.

"Карьерга үлэлиир тиэхиньикэни оҥорууга институт улахан уопуттаах. Онуоха Саха сирин баайын туһаҕа таһаарыыга үлэлиир Россия тэрилтэлэрин болҕомтото эмиэ кырата суох. Биһиги самосвал поеһы оҥорбуппут. Ити Саха сирин карьердарыгар олус наадалаах буолуон сөп этэ", - диэтэ Владимир Альгин. Сөбүлэһии чэрчитинэн элбэх боппуруос хабыллар, итилэр истэригэр массыынаны оҥорор холбоһуктаах институт саҥа бырайыактарын олоххо киллэрии эмиэ баар.

Маннык тиэхиньикэ Саха сирин карьердарыгар хаһан кэлиэхтэрэ билиҥҥитэ биллибэт. Владимир Альгин улахан массыыналары сакаас баар буоллаҕына, итинник бырайыагы учуонайдары кытта оҥороллорун туһунан эттэ.