«Өрөспүүбүлүкэҕэ көмүһү хостуур промышленность бүгүҥҥү туругун уонна Саха сирин аныгы минеральнай-сырьевой хааччыллыытын араас өттүттэн хайан конференцияҕа ырытыахпыт», - диэтэ промышленность миниистирин э.т. Андрей Панов.

Бу конференция Саха сиригэр көмүһү хостооһун 90 сылыгар сыһыары тутуллан ыытыллар. Конференция кыттыылаахтара көмүһү хостооһуҥҥа туттуллар наука, тиэхиньикэ кэлиҥҥи ситиһиилэрин билсиэхтэрэ. Конференцияны таһынан манна араас тэрээһиннэр киирдилэр.

«Хайа инженердэрин бэлэмнээһин билиҥҥи туругун уонна инникитин ырытыахтара. Манна кытта кэлбит көмүһү хостооччуларын, үөрэтэр кииннэр үлэһиттэрин дакылааттарын истиэхтэрэ. Санаа атастаһыытын түмүгэр Россияҕа, аан дойду ырыынактарын ирдэбиллэригэр эппиэттэһэр быһаарыылар ылыллыахтара диэн эрэнэбин», - диэтэ Андрей Панов.