«Эрнст Борисович Березкин Саха Өрөспүүбүлүкэтин баһылыгар кандидат буола сылдьан муниципальнай сиидэлээһини ааһарыгар сокуону кэстэ. Ону быыбар киин хамыыһыйата болҕомтоҕо ылбата. Э.Березкины кытта сууттаһар курдук алҕас санаа баар. Мин быыбар киин хамыыһыйатын быһаарыытын утарабын. Сокуон быһыытынан кандидаттар бары биир тэҥ бырааптаахпыт уонна тэҥ эбээһинэстээхпит. Ким да сокуону кэһэр бырааба суох», - диэтэ  Владимир Максимов.

Эрнст Березкин бу иннинэ Владимир Максимовы быыбарга кыттартан тохтото сатаабыта, ол кыаллыбатаҕа. Кини бэлиэтээбитинэн, Максимов быыбар киин хамыыһыйатыгар докумуоннары туттарарыгар үөрэҕин уонна баартыйатын тустарынан дьиҥэ суох сибидиэнньэлэри биэрбит. Березкин ити үҥсүүтүгэр суут аккаастаабыта.