Хомус күнүн бэлиэтиир санаа Тауха диэн Германия куоратыгар хомус музыкатын норуоттар икки ардыларынааҕы VIII конгресс-фестивальга этиллибитэ.  
Бу конгресс чэрчитинэн норуоттар икки ардыларынааҕы хомусчуттар обществоларын бырабылыанньатын мунньаҕа ыытыллыбыта. Ол курдук, общество бырабылыанньатын састаабын талыы быыбара буолбута. Австрия бэрэстэбиитэллэрин көҕүлээһининэн, кылаабынай секретарынан Хомус музейын директора Николай Шишигин-Испиэн Уола талыллыбыта. Билигин кини штаб-дьиэтэ Дьокуускай куоракка баар, ону таһынан, сотору Швейцарияҕа баар буолара бэлиэтэнэр.  Оттон, Великобритания бэрэстэбиитэллэрин көҕүлээһининэн, общество иккис бочуоттаах президенинэн Хомус музейын төрүттээччи, маастар – Иван Алексеев-Хомус Уйбаан талыллыбыт. Маны таһынан, конгресс чэрчитинэн, аныгыскы, 2017 сылга буолар фестивалы Москваҕа ыытарга эппиттэр.