Куонкуруска Томпоттон,Тааттаттан биирдиилээн эдэр хомусчуттар, ансаамбыллар кытыннылар. Аптарытыаттаах жюри биһирэбилин ылан, бэйэлэрин бөлөхтөрүгэр куонкурус бастакы степеннээх диломаннарынан буоллулар: Настя Петухова, ОльгаМорохоева (иккиэн Хаандыгаттан, салайааччылара Л.В. Охлопкова), «Сарыал» фольклор ансаамбыла (Мэҥэ-Алдан, З.Н. Колодезникова), Айза Тарасова (Хаандыга, Л.М. Борисова), Лана Габышева (Кириэс Халдьаайы), «Сардаҥа» ансаамбыл (Кириэс Халдьаайы, С.А. Никифорова, Е.Е. Охлопкова), «Сайаана» ансаамбыл (Хаандыга, Л.В. Охлопкова, В.С. Захарова).

«Сайаана» коллектив уолаттарын ансаамбыла (Хаандыга, салайааччы Л.В.Охлопкова) куонкурус Гран-при бирииһин ылла.

Оскуола көрүдүөрүгэр Хомус музейын үлэһиттэрэ Степан Кривошапкин уонна Алгыс Күн аан дойду норуоттарын хомустарын көрдөрүүгэ туруордулар. Көрөөччүлэр Европа, Азия, Африка норуоттарын тимир, мас хомустарын сэргэ саха ууһа И.Н.Готовцев-Хоһуун Уус «Үһүс Харах», «Абакаяда», о.д.а. үлэлэрин сонурҕаан көрдүлэр-иһиттилэр. Таатта улууһуттан импровизатор-хомусчутАнна Канаева эмиэ бэйэтин коллекциятын билиһиннэрдэ. Куонкурус кыттыылаахтарыгар, хомуһунан интэриэһиргээччилэргэ Хомус музейын үлэһитэ Аркадий Егоров, Нам улууһун «Дьүрүл» ансаамбылын салайааччы Дмитрий Кривошапкин, аан дойду виртуоз-хомусчута Спиридон Шишигин маастар-кылаастары ыыттылар.

Хомус күнэ улахан гала-концерынан түмүктэннэ.