- Тэрээһин улууска бэйэ дьарыктаах буолуутун сайыннарар сыаллаах-соруктаах ыытылынна. Бу предпринимателлэр олохтоох былааһы кытта аһаҕастык кэпсэтэр, санааларын үллэстэрбылаһааккаларынан буолар. “Аһаҕас аан күнүгэр” кэлбиттэргэ специалистар бизнескэ государство оҥорор өйөбүлүн, предпринимателлэргэ ыытыллар куонкурустары, үлэлэрин саҥа саҕалыыр фермердэргэ өйөбүл туһунан о.д.а. туһалаах боппуруостары билиһиннэрдилэр. Маны сэргэ, нолуокка отчуоту түһэрии, бизнес-былааны оҥоруу, о.д.а. сүбэ-ама оҥоһулунна, -- диэн “СР Элбэх функциялаах киинэ” ГАТ улуустааҕы тэрилтэтин начальнига Николай Попов иһитиннэрдэ.

Улууска бизнеһи сайыннарар киин директора Иван Пермяков бэйэ дьыалатын тэриниэн баҕалаахтар көрүүлэрэ кэҥээн, сайдан иһэрин бэлиэтээтэ. Ол курдук, сварка (тимири иһэрдии үлэтэ) үлэтигэр биригээдэ тэринэн үлэлиири сэргэ, тимиртэн кыраһыабай ааннары, ааркалары, о.д.а. оҥорор баҕалаахтар былааннарын билиһиннэрбиттэр. Маны сэргэ, чааһынай клиника аһан, онно анаалыстары ылан дьон кыһалҕатын быһаарсарга үлэлэһэр соруктаах медицинэ эйгэтин үлэһиттэрин баҕалара сэргэҕэлэппит. Чааһынай оҕо саадын кэҥэтэр уонна сайыннары үлэлэтэр былааннаах предприниматель элбэх сүбэ-ама ылбыт.