Кинигэҕэ Маппыровтар дьиэ-кэргэннэрин олоҕо, оҕолор, сиэннэр уонна аймахтар  ахтыылара, хаартыскалар киирдилэр. Бу кинигэ Саха АССР үтүөлээх учууталын Аэлита Павлова бастакы кинигэтэ буолбатах.  Кини Ийэ туһунан элбэх кинигэни бэчээттээн таһаарбыта биллэр.
Маппыровтар көлүөнэлэрэ, кинигэ ааптара Аэлита Павлова, норуот суруйааччыта Николай Лугинов, ХИФУ  ректора  Анастасия Маппырова кыыһа Евгения Михайлова тэрээһиҥҥэ кытыннылар.

Эдьиийдии-балыс Маппыровалар  Өлүөхүмэ Нөөрүктээйи нэһилиэгэр  төрөөбүттэрэ. Анастасия Маппырова 1921сыллаахха  төрөөбүтэ. Кини бухгалтер идэтин талан «Холбос» уопсаатыбаҕа үлэлээбитэ. Биэс оҕолоох. Оттон Мария Маппырова 1924 сыллаахха төрөөбүтэ. Кини Дьокуускайдааҕы тыа хаһаайыстыбатын техникумун уонна  К.А. Тимирязов аатынан Москватааҕы тыа хаһаайыстыбатын академиятын үөрэнэн бүтэрбитэ. Тыа хаһаайыстыбатыгар олоҕун анаабыта.

Маппыровтар олохторугар араас ыарахаттар:  репрессия, чугас киһилиин арахсыы, о.д.а. баара. Норуот суруйааччыта Николай Лугинов эппитинэн, олох бу курдук ыарахаттарын, охсуутун  биир сомоҕо уонна кытаанах санаалаах, бигэ туруктаах дьиэ-кэргэн уйар.