Тыҥаҕа: компьютернай томография (КТ) – икки сылга биирдэ. Бронхоскопия – анал зондунан тыынар органнары көрүү.

Куртахха: гастроскопия – сылга биирдэ. КТ – МРТ – үс сылга биирдэ. РЭА, СА 19-9 онкомаркердарга хаан.

Куолай: гастроскопия, УЗИ, РЭА онкомаркерга хаан аналиһа уо.д.а.

Эмиийгэ: маммография – 35-40 саастан саҕалаан, 50 сааска диэри икки сылга биирдэ, 50 саас кэнниттэн – сыл аайы. УЗИ – 35 сааска диэри икки сылга биирдэ. «Ыйдаах» кэлбитин кэнниттэн бастакы нэдиэлэтигэр бэйэни көрүнүү.

Оһоҕоско: колоноскопия – сылга биирдэ. Саахха хааны тестээһин – 40 саас кэнниттэн сылга биирдэ. Колопроктологка көрдөрүнүү.

Былчархайга: КТ – МРТ – үс сылга биирдэ. УЗИ – сыл аҥарыгар биирдэ. Онкомаркерга хаан аналиһа – сыл аҥарыгар биирдэ.

Хабахха: УЗИ – сылга биирдэ. Иик аналиһыгар хаан баарын бэрэбиэркэлээһин – сылга биирдэ.

Яичникка: трансвагинальнай УЗИ. СА 125 онкомаркерга хаан аналиһа. Гинекологка көрдөрүү.

Простатаҕа: мультипараметрическай МРТ. 45 саас кэнниттэн хаан аналиһа (ПСА). Нуормаҕа эппиэттиир буоллаҕына (1,45 элбэҕэ суох) аны 8 сылынан туттарыллар. Аҕаҕар, убайгар-бырааккар простата искэнэ баар буоллаҕына – икки сылга биирдэ. Урологка көрдөрүнүү.

Оҕо хаатын шейкатыгар: папиллома онкогеннай вируһугар мазок. Цитологическай чинчийиигэ мазок – үс сылга биирдэ. Доруобай дьахталлар – 35 саастарыттан. Гинекологка көрдөрүү – сыл аҥарыгар эбэтэр сылга биирдэ.

 Ону сэргэ болҕомтону ууруохха:

Эр дьон — бүөргэ, быарга, бэлэс искэнигэр, төбө мэйиитин искэнигэр, лейкозка, лимфомаҕа.

Дьахталлар – быарга, төбө мэйиитин искэнигэр, лейкозка, лимфомаҕа, бүөргэ.