Саахары хайдах хонтуруолланарга, ханнык диетаны тутуһарга уо.д.а. интэриэһиргиир боппуруостарыгар Доруобуйа харыстабылын министерствотын штаты таһынан эндокринолога Любовь Садыкова хоруйдуоҕа. Истээччилэргэ иһитиннэрэр-сырдатар матырыйааллары, бэйэни хонтуруолланар дневниктэри, түҥэтиэхтэрэ.

Бу күн Саха сирин улуустарыгар киэҥ тэрээһиннэр ыытыллыахтара. Статистика көрдөрөрүнэн, Россия хас онус олохтооҕо сахарнай диабетынан ыалдьар эрээри, кинилэртэн аҥарыттан ордуктара ону сэрэйэн да көрбөт.

"Санофи" компания 90 сыл устата бу ыарахан ыарыыны эмтиир инновационнай препараттары оҥорор. Россияҕа 1-кы тииптээх сахарнай диабеттаах оҕолорго «Диаспартакиада» тосхол үлэлиир. Тосхол чэрчитинэн үөрэтэр оскуолалар, спортивнай дьаһаллар, о.д.а. ыытыллаллар. Манна даҕатан эттэххэ, оҕо эндокринолога Галина Данилова салайааччылаах Саха сирин хамаандата быйыл саас Сочига ыытыллыбыт диаспартакиадаҕа ситиһиилээхтик кыттыбыта.