Саха Республикатыгар 2014 сыл тохсунньу 1 күнүнээҕинэн 71690 булчут баара бэлиэтэммит. Ити мөлүйүөнү кыайбат нэһилиэнньэлээх региоҥҥа олус улахан көрдөрүү уонна булт биһиги олохпут ирдэбилэ буоларын бигэргэтэр.

Кэнники сылларга булду таптааччылар гражданскай көхтөрө уонна быраап өттүнэн билиилэрэ биллэ үрдээтэ. Итиннэ улахан кылааты Саха сирин президенэ булчут Күнүн олохтообута киллэрдэ, ол чэрчитинэн республика үрдүнэн барытынан араас тэрээһиннэр ыытыллар буоллулар.

Республика булдун хаһаайыстыбатын Департамена улаатан эрэр көлүөнэни сөптөөхтүк бултуурга, үгэстэргэ үөрэтэргэ общественность көҕүлээһиннэрин олус биһириир уонна өйүүр. Департамент булт туһунан телерадиобиэриилэри, сурунааллары уонна хаһыаттары кытта бөҕө дьыалабыай сибээстэри тутуһар. Ааспыт сылтан Олонхо Театрын, «Арчы дьиэтин» курдук культура тэрилтэлэрин, «Аҕа сүбэтэ», «Төлкө» уо.д.а. общественнай холбоһуктары кытта тутуһар.

Департамент куруһуок үлэтигэр көхтөөхтүк кыттар уонна кинилэр этиилэрин, сүбэлэрин сокуону оҥорууга туттар санаалаах уонна булчуттары манна холбоһорго ыҥырар.