Тэрийээччилэр этэллэринэн, аспираннар бэйэлэрин үөрэнэр кыһаларыттан, ону таһынан университет институттарыттан уонна факультеттарыттан булкаастаах хамаандаларын ыыппыттар. Оонньуу бэйэтэ 11 станциялаах, сорохторо икки кэрдиистээхтэр. Олор бэйэ-бэйэлэриттэн орто уонна үрдүкү уустуктаахтарынан уратылаһаллар.

«Станциялар инструктордара аспираннарга эрудицияларын үрдэтэр викторинаны, логикаҕа соруктары, стратегияҕа, түргэҥҥэ турнирдары бэлэмнээбиттэр. Хамаандалар араас станцияларын сүүрэ сылдьан, олорго биирдиилэригэр араас өйү эрчийэр, историяттан, географияттан саҕалаан химическэй реакцияларга уонна мини-дуобат турнирыгар тиийэ соруктары толордулар. Итини таһынан музыка, тыл уо.д.а. эйгэлэригэр умустулар», ─ диэн өй оонньууларын кыттыылаахтара кэпсээтилэр.

Оонньуу түмүгүнэн кыайыылааҕынан ФЭИ аспирана Динара Тихонова салайааччылаах сүүмэрдэммит хамаанда таҕыста.