- Николай Максимович олоҕун туһунан сиһилии билсээри биһиги оройуоммут бары культурнай общественноһа, олохтоохторо кэллилэр, ол эрээри хомойуох иһин, үчүгэйдэр сатаан кыттыбатылар.

Итини таһынан, үбүлүөйдээх тэрээһиннэргэ Саха сирин эдэр суруйааччылара: "Саха Сирэ" хаһыат корреспондена, Саха суруйааччыларын Сойууһун правлениетын бэрэссэдээтэлин солбуйааччы Гаврил Андросов, Россия суруйааччыларын Сойууһун чилиэнэ; П.А. Ойуунускай аатынан музей научнай үлэһитэ Николай Рыкунов; "Айыы кыhата" оскуола иитэр үлэҕэ директоры солбуйааччыта, Россия суруйааччыларын Сойууһун чилиэнэ, поэт, публицист Рустам Каженкин; Аллараа -Бэстээх орто оскуолатын учуутала Дорҕоон Борогушин (эдэр поэт эһэтэ Өймөкөөҥҥө төрөөбүтэ) кытыннылар.

Тэрээһини Томтордооҕу кыраайы үөрэтэр музейга сылдьыыттан саҕалаатылар. Музей үлэһиттэрэ "Алгыс" сиэрин-туомун ыыттылар.

Ити кэнниттэн "Николай Заболоцкай биллиилээх суруйааччы уонна Платон Ойуунускай үөлээннээҕэ" диэн "төгүрүк остуол" ыытылынна. "Төгүрүк остуол" кэнниттэн общественность үөрүүлээх мунньаҕа буолла. Манна республика культуратын министерствотын аатыттан Ярославскай, Ойуунускай музейдарын,Саха сирин суруйааччыларын Сойууһун, Кулаковскай институтун, Таатта улууһун администрациятын, атын да улуусьар ааттарыттан эҕэрдэ аадырыстары туттарыы ыытылынна. "Өймөкөөн улууһа (оройуона)" аатыттан МТ баһылыга Михаил Захаров кыраайы үөрэтэр музейга - мини-типографияны атыылаһарга сертификат туттарда. Итини таһынан, музейга элбэх кинигэлэри уонна матырыйааллары, Томтор библиотекатыгар республика суруйааччыларын Сойууһа бэлэхтээтэ. Гаврил Андросов, өймөкөөннөр суруйааччыларга үтүө сыһыаннарын иһин үгүстэр манна кэлиэхтэрин, ураты айылҕаны кытта алтыһыахтарын баҕараллар диэн бэлиэтээтэ.

Үбүлүөйдээх программа Томтордооҕу норуот театра "Мааппа" туруоруутунан түмүктэннэ.