ХИБҮ устудьуоннарын науканан дьарыктанар эдэр дьон бөлөҕүн салайааччыта, Естесственнай наукалар үнстүүттэрин 5-с кууруһун устудьуона Василий Охлопков этэринэн, холбоһук устудьуоннар тиһиктээхтик науканан дьарыкталарыгар анаан көмө оҥорор. Бүгүн УНБ үөрэх кыһатын бары хайысхаларыгар биирдии бэрэстэбиитэллээх, чуолаан Медицинскэй уонна Үп-Харчы экэниэмикэтин үнстүүтүн эдэр чинчийээччилэрэ актыыбынайдык кытталлар.

Форум чэрчитинэн, ХИБҮ Медицинскэй үнстүүтүн устудьуоннарын научнай бөлөҕө уонна Иммануил Кант аатынан Балтикатааҕы бэдэрээссийэлии үнүбэрсиэт бииргэ үлэлэһии туһунан сөбүлэҥ түһэристилэр. “УНБ төгүрүк остуолун үлэтэ туһалаахтык ааста, биһиги Бэдэрээссийэлии үнүбэрсиэттэр устудьуоннарын научнай бөлөҕүн Ассоциацияты тэрийэргэ быһаардыбыт. Быйыл сэтинньи ый маҥнайгы аҥарыгар ББҮ кэрийэ сылдьан үөрэтэр оскуолатыгар ол боппуруоһу быһаарса өссө көрсүөхпүт”, - диэн сырдатар ББҮ Медицинскэй үнстүүтүн научнай холбоһугун бэрэссэдээтэлэ Дмитрий Заболотов.

ХИБҮ-нү кытары дуогабар көмөтүнэн, ББҮ эдэр чинчийээччилэрэ бэйэ бэйэлэрин кытары хардарыта дьайсыыны былаанныыллар, медик – устудьуоннар кыахтарын уонна наукаҕа интэриэстэрин бииргэ түмэр санаалаахтар. Саха сириттэн төһө даҕаны ыраах олорбуттарын иһин, сибээс нөҥүө хардарыта дьайсыы туһаны аҕалыахтаах, икки бэдэрээссийэлии үрдүк үөрэх кыһатын устудьуоннарын научнай бөлөҕөр эрэл улахан.