Дьокуускай куорат баһылыга  Айсен Николаев, «Россия ийэлэрэ» бүтүн Россиятааҕы уопсастыбаннай хамсааһын Саха сиринээҕи салаатын салайааччыта Прасковья Борисова куорат балыыһатын үлэһиттэрэ үөрүүлээх тэрээһиҥҥэ сырыттылар.
Ийэлэргэ доруобуйа харыстабылын министиэристибэтэ, «Россия ийэлэрэ» бүтүн Россиятааҕы уопсастыбаннай хамсааһынтан бэлэхтэри туттардылар. Култуура колледжын студеннара ылбаҕай ырыаларынан, тэтимнээх үҥкүүлэринэн бу тэрээһини киэргэттилэр.

Маннык тэрээһин кэлиҥҥи уон сылга ыытыллар. Төрүүр оҕо ахсаана элбии, эбиллэ турара үөрдэр. Былырыын куорат күнүгэр 15 оҕо күн сиригэр кэлбит эбит буоллаҕына, сыл устата 5800 оҕо төрөөбүт. Бу сыл аҕыс ыйыгар 4236 оҕо күн сирин көрбүт. Оҕо төрөөһүнэ элбээһинэ нус-хас олох, инникигэ эрэллээх буолуу бэлиэтэ буолара кыратык да саарбахтаммат. Оҕо төрөөһүнэ эбиллэрэ, өлүү ахсаана аччыыра государство социальнай политикатыттан, федеральнай киин уонна регионнааҕы былаас оҕону уонна ийэ буолууну көмүскүүр тэрээһиннэриттэн быһаччы тутулуктаах. Оҕо төрүүрүттэн ураты, улахан суолталаах туох да суох.