ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
18 сентября 2014, 16:56

ХИБҮ волонтердара “Азиада-2014” оонньууга барыахтара


ХИБҮ устудьуоннара – спортивнай волонтердар Азия спортивнай оонньууларыгар анаан хомуллубуттара. Маннык улахан тэрээһин, балаҕан ыйын 19 күнүттэн алтынньы 4 күнүгэр диэри Корея өрөспүүбүлүкэтигэр Инчхон куоракка ыытыллар. Устудьуоннар этэллэринэн, Азиада уопутун, кэлэр “Азия оҕолоро” оонньууну бэлэмнээһиҥҥэ туһаныахпыт дииллэр.

Азиада – 2014 15 тыһыынча кэриҥэ волонтер үлэлиэҕэ. Манна кыттар туһуттан СӨ волонтердары кытары үлэҕэ Киинин биэс актыбыыһа Эдуард Титов, Альбина Левина, Софрон Владимиров, Айаал Бурцев уонна Айаал Кривошапкин киирдилэр.

Азиада оонньууларыгар биһиги кэтээччи быһыытынан үлэлиэхтээхпит, маннык улахан тэрээһини ыытыы уопутун кытта билсиэхпит. Бу уопут биһиги өрөспүүбүлүкэбитигэр маннык спортивнай волонтердааһын сайдыытыгар уонна 2016 сылга Дьокуускайга ыытыллар “Азия оҕолоро” спортивнай оонньуу тэрээһинигэр көмө буолуоҕа”, - диир ХИБҮ Үп – харчы экэниэмикэтин үнстүүтүн устудьуона Эдуард Титов.

Волонтердаан биһиги олус элбэххэ үөрэнэбит. Олох араас түгэннэригэр сыаналаммат уопут уонна интэриэһинэй дьону кытары билсии-көрсүү, киһи бэйэтэ сайдарыгар улахан кыаҕы биэрэр”, - диир Эдуард Титов.

Азия оонньуулара уон сэттис төгүлүн ыытыллаллар, Азия олимпийскай сэбиэтин састаабыттан, 45 дойдуттан, 13 тыһыынча спортсмен кыттара былааннанар диэн “Арассыыйатааҕы хаһыат” иһитиннэрэр. Күрэхтэһии түөрт сылга биирдэ буолар. Тэрийээччилэр этэллэринэн, Инчхоҥҥа буолар оонньуулар саамай сайдыылаахтык, IT-технология көмөтүнэн ыытыллыахтаах.
 

При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 2920 Источник: ЯСИА Автор: ХИБҮ сонуннарын эрэдээксийэтэ Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ