Төрөөбүт тылга, литератураҕа билиилэрин “Дьулуур” уонна “Мохсоҕоллор” хамаандалар тургутустулар.

-- Дириҥ толкуйу эрэйэр араас ыйытыылар бэриллэннэр, хамаандалар күрэстэһиилэрэ сытыырхайан биэрдэ. Ардыгар мөккүөрү быһаараар туһуттан эбии ыйытыылар бэрилиннилэр. Хамаандалар оонньуу бүтэһигэр диэри эрбии тииһин курдук тэҥҥэ эрийистилэр.

Түмүккэ “дьулуурдар” чорбойон таҕыстылар. Онон кыайыы өрөгөйүн билбит хамаанда кыттыылаахтарыгар ытыс тыаһыгар доҕуһуоллатан бэртээхэй бэлэхтэр туттарылыннылар.

Тэрээһин түмүгэр “Т.О.К.” кыттыылаахтара библиотекаҕа бэйэлэрэ сөбүлүүр кинигэлэрин бэлэх ууннулар, -- диэтэ библиотекарь Наталья Ефремова.