«Бүлүү» федеральнай массыына суола Саха сирин Арҕаа өттүн транспортнай-производственнай инфраструктуратын сүрүн сорҕото, Дальнай Востокка суолталаах бөдөҥ алмаастаах уонна нефтээх-газтаах оройуоннарын территорияларын холбуур.

"Бүлүү" сылы эргиччи үлэлиир массыына суола аһыллыытынан уу транспорын таһаҕаһын сорох өттүн массыынанан аҕалар кыаҕы арыйыа. Маннык түгэҥҥэ таһаҕаһы тиэйии кылгас навигация кэмигэр эрэ буолбакка, сыл устата эргиччи ыытыллыа.

Учаастагы 2011 сыл от ыйыттан оҥороллор. Эбийиэги (6 км суол) уонна күрбэни тутуу үлэлэрин «Мостовик» ХЭТ НПХ Саха сиринээҕи филиала толорор, директор – Иваненко Валентин Константинович. Суббэдэрээччик (5,921 км суол) «Сельдорстрой» ХЭТ - директор Сидоренко Алексей Федорович.