Павел Маринычев экономика, промышленность, сир баайын туһаҕа таһаарыы, геология уонна тас политика боппуростарын сүрүннүөҕэ, оттон Петр Алексеев тыа хаһаайыстыбатын уонна арктика оройуоннарын сайыннарыыны салайыаҕа. 

РЛДП Саха сиринээҕи салаатын салайааччыта Гаврил Парахин  Павел Маринычев эдэр эрэри улахан уопуттаах салайааччы буоларын туһунан СИА-ҕа эттэ.

"Бырабыыталыстыба бэрэссэдээтэлин бастакы солбуйааччылар дуоһунастарыгар киирбит дьон иккиэн да сөптөөх уонна дьоһун дьон. Сиэриилээх былааска үлэлиир кэмнэригэр бэйэлэрин үчүгэй өттүттэн көрдөрбүттэрэ", - диэтэ бырабыытластыба бэрэссэдээтэлэ Галина Данчикова.

Норуот депутаата Виктор Федоров Саха сирин баһылыга Егор Борисов саҥа бырабыыталыстыбаны тэрийиигэ урукку уонна билиҥҥи баһылыктарга итэҕэлин биэрбитин туһунан эттэ.