Республика сайдыытыгар атыы-эргиэн, экономика, научнай-техническэй, социальнай уонна культурнай сайдыытыгар республика уонна РФ субъектарын, тас дойдуларын кытта хардарыта дьайсан үлэлииргэ, или-эйэни олохтуурга биллэр кылааты киллэрбит Саха сирин дьоно бу бочуоттаах бэлиэнэн биһирэннилэр.

Наҕарадалааһын сыл аайы республика президенин уурааҕынан икки киһиэхэ туттарыллар. Бэлиэ «Түмсүү» национальнай оһуордаах, аҕыс кырыылаах, Хромдиопсид таастаах, медальоннаах. Медальон ортотугар тумсугар оливка мастаах үрүҥ холууп ойууламмыт. Бэлиэ биир өттүгэр - «Норуоттар доҕордоһууларын уонна или-эйэни бөҕөргөтүү иһин» диэн суруктаах.

Бэлиэ республика былааҕын курдук дьүһүннээх муаровай лиэнтэҕэ ыйана сылдьар.