Итини таһынан Росстат Россия экономикатыгар инвестиция статистикатын аҕалар. Былырыыҥҥыны кытта тэҥнээтэххэ, быйыл балаҕан ыйыгар инвестиция 2,8% кыччаабыт. Ас промышленноһыгар бөрүкүтэ суох быһыы-майгы бэлиэтэнэр. Ол курдук, ас сыанатын үрдээһинэ үс төгүл түргэтээбит. 2013 сыл тохсунньутуттан балаҕан ыйыгар диэри сыана үрдээһинэ 2,2% эбит буоллаҕына, билигин 7,1% буолбут.

Розничнай атыы, массыынаны оҥоруу бытаарбыт. 2014 сыл бүтүүтэ Россия олохтоохторун хамнаһа дьиҥнээхтик намтыырын туһунан Нау Group консалтинговай компания сабаҕалаата. Балаҕан ыйын 1 күнүнээҕи туругунан инфляция 5,6% улааппыт буоллаҕына, дьон хамнаһа күһүн 0,8% эрэ эбиллибит.

Балаҕан ыйыгар инфляция 2013 сылы кытта тэҥнээтэххэ, 8% улааппыт.