Гуманитарнай чинчийии институтун учуонайдара бырабыыталыстыба өйөбүлүнэн саҥардыллыбыт «Саха сирин исторятын» оҥорууга былырыыҥныттан ыла ылсыбыттара.

Чинчийээччилэр XVII-XIX үйэлэри хабар кэрдиис кэмҥэ кэллилэр. Гуманитарнай институт кылаабынай научнай специалиһа  Андриан Борисов кинигэ иккис туомун бэлэмниир учуонайдары салайар. Кини көҕүлээһининэн научнай конференция ыытылынна. Онно Россия атын регионнарыттан экспердэр кыттыбыттара.

ХИФУ уонна гуманитарнай чинчийии институтун таһынан бу конференцияҕа Иркутскайдааҕы госуниверситет профессора Лев Дамешек,Норуот хаһаайыстыбатын уонна госсулууспа РФ академиятын Сибиирдээҕи институтун дириэктэрин солбуйааччы  Андрей Зуев, РНА Сибиирдээҕи отделениетын монголоведение, буддология уонна тибетология профессора Ольга Бураева  конференцияҕа дакылааттаатылар. Кинилэр ити иһитиннэриилэрэ кинигэни оҥоро сылдар учуонайдары олус интэриэһиргэттэ.

"Саха сирэ историяҕа монументальнай үлэлэргэ Сибиир национальнай регионнарыттан хаалан иһэр диэххэ наада. Маннык сүдү үлэлэр Хакасияҕа, Алтайга, Башкирияҕа, Бурятияҕа тахсыахтаахтар. Иркутскай уобаласка уонна Новосибирскайга "Сибиир историята» бэчээттэнэн таҕыста", - диэтэ Саха сирин наукалараны академиятын вице-президенэ Анатолий Гоголев.

Бырабыыталыстыба үп-харчы өттүнэн өйөөбүтүн түмүгэр маныаха кыһалҕа суоҕун, чинчийээччилэр болдьоммут кэмҥэ диэри кинигэни бэлэмнээтэхтэринэ, «Саха сирин историята» 2016-2017 сылларга бэчээттэнэн тахсыахатааҕын кини чиҥэтэн эттэ.