Улуус историятыгар кыһыл көмүс буукубаларынан суруллар дьоһун-мааны күн буолла. Боескоров аатынан уулассаҕа турар 22-с №-дээх саҥа дьиэ квартираларыгар 16 ыал күлүүстэри ыллылар.

16 квартиралаах дьиэ Канада аныгы технологиятынан тутулунна. Саҥа дьыл буолуор диэри өссө икки маннык дьиэ дьэндэйиэхтээх. Тутуу бэдэрээччитэ — Дьокуускай к. ”Адгезия” тэрилтэтэ.

Тэрилтэ салайааччытын бастакы солбуйааччы П.Г. Васильев 2015 сылга эмиэ маннык төрдүс дьиэ тутуллуоҕун туһунан эппитин дьон-сэргэ уруйдаата-айхаллаата.

Хаарбах дьиэлэртэн дьону көһөрүү, тулаайахтары дьиэлээһин, социальнай наймылаһыы бырагыраамалар улууска дьулурҕатык олоххо киирэллэр. Быйыл 56 дьиэ кэргэн толору хааччыллыылаах дьиэлэргэ киириэхтэрэ.