Тыыл бэтэрээннэрин баһыйар үгүстэрэ тыа сиригэр, уустук климатическай усулуобуйаҕа, оһоҕунан оттулар дьиэлэргэ олороллор. Дьиэни өрөмүннээһин өҥөтө манна тутаах суолтаны ылар. Орто баайыылаах ыал да тутуу матырыйаллын атыылаһара күччүмэҕэйдэрдээх. Хоту улуустарга сыана чэпчэкитэ суох. Холобур, 3 л эмаль кырааска сыаната ортотунан 800-1000 солк. диэри тиийэр. Оттон биир рулон обуой — 600 солк. 2000 солк. диэри халбаҥныыр.

«Өрөмүөн үлэтигэр өҥөнү оҥорууга олохтоох дьаһалталар көмөлөһөллөр. Дьаһалта үлэһиттэрэ бэтэрээн олорор усулуобуйатын тилэри билсэллэр, өрөмүөҥҥэ төһө үп-харчы наадатын ааҕаллар. Билигин 2015 сылга сайаапкалары хомуйабыт. Бэтэрээннэргэ өрөмүн үлэтигэр төһө үп-харчы наадатын эрдэттэн былаанныахпытын наада», - диэн Усуйаана социальнай управлениетын иһитиннэриитигэр суруллар.