ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
9 апреля 2015, 14:41

Томпо улууһугар Бэтэрээннэр күннэрэ буолла


Томпо оройуонугар Бэтэрээннэр күннэрэ буолла. Онно бэтэрээннэр республикатааҕы сэбиэттэрин бэрэссэдээтэлэ Будимир Слепцов, СР үлэҕэ уонна социальнай харалтаҕа миниистирин солбуйааччы Татьяна Степанова, Россия Пенсионнай фондатын Саха сиринээҕи салаатын салайааччыта Георгий Степанов, РФ соцстрахованиеҕа фондатын Саха сиринээҕи салаатын управляющайын солбуйааччы Энвер Саввинов уонна оройуон баһылыга Георгий Герасимов кыттыыны ыллылар.

Оройуон нэһилиэктэриттэн бэтэрээннэр кэлбиттэрэ. Бастаан Кыайыы болуоссатыгар гирлянда уурдулар. Хаандыгатааҕы хайа-геологическай техникумугар ыытыллыбыт үөрүүлээх тэрээһиҥҥэ ыалдьыттары бастаан норуоттар икки ардыларынааҕы куонкурустар кыайыылаахтара «Ахтылҕан» эр дьон ансаамбыла уонна Тамара Лапина эҕэрдэлээтилэр. Б.Д. Слепцов, Т.И. Степанова, Г.М. Степанов, Э.Я. Саввинов Улуу Кыайыы 70 сылыгар анаан республикаҕа ыытыллар тэрээһиннэр тустарынан кэпсээтилэр.

Билигин Томпо оройуонугар Аҕа дойду Улуу сэриитин 4 кыттыылааҕа, 16 огдообото уонна 110 тыыл бэтэрээнэ олороллор. Кинилэр социальнай харалта, Пенсия фондатын салааларын уонна оройуон бэтэрээннэрин сэбиэтин көрүүтүгэр-истиитигэр сылдьаллар. Улуу Кыайыы 70 сылын бырааһынньыктааһын чэрчитинэн үлэ былаана оҥоһулунна, Кыайыы фондатыгар харчы угуллар. Россия президенэ Владимир Путин уонна Саха сирин Ил Дархана Егор Борисов ыйаахтарынан Аҕа дойду Улуу сэриитин кыттыылаахтара уонна огдооболоро, тыыл бэтэрээннэрэ харчынан көмө ылыахтара.

photoByWidth&id=28980&width=1000

«Төгүрүк остуолга» бэтэрээннэр долгутар боппуруостарын ыйыттылар. Кинилэри суол-иис төлөбүрэ, олорор дьиэни өрөмүөннээһиҥҥэ харчы көрүллүүтэ, эминэн хааччыйыы интэриэһиргэтэллэр. Сэрии сылларыгар оҕо саастара ааспыт кырдьаҕастар «Сэрии оҕолоро» диэн статуһу биэрэр боппуруоһу көтөхтүлэр.

Бэтэрээннэр бөлөхтөрүгэр, ол иһигэр Хаандыгаттан Афанасьева Клавдия Николаевнаҕа, Колодезников Роман Афанасьевичка, Прокопьева Надежда Осиповнаҕа, Токарева Валентина Архиповнаҕа, Мэҥэ Алдантан Березин Афанасий Прокопьевичка, Ковлекова Марина Ивановнаҕа, Кривошапкин Николай Ивановичка, Сайдыыттан Ефремова Аграфена Ивановнаҕа, Саһылтан Кынтояров Семен Никитичка, Матаркин Николай Николаевичка, Кириэс Халдьаайыттан Колесова Мария Константиновнаҕа, Егорова Евдокия Егоровнаҕа Улуу Кыайыы 70 сылыгар ананан оҥоһуллубут юбилейнай мэтээллэри туттардылар.

Бэтэрээннэр хамсааһыннарын активистара наҕараадаланнылар. Бэтэрээннэр оройуоннааҕы сэбиэттэрин бэрэссэдээтэлэ Мария Дмитриевна Шаталина «Бэтэрээннэр Бүтүн Россиятааҕы обществоларын бочуоттаах бэтэрээнэ» бэлиэнэн наҕараадаланна. Бэтэрээннэр Бүтүн Россиятааҕы обществоларын Бочуотунай грамоталарын Байаҕантай нэһилиэгин бэтэрээннэрин сэбиэтин бэрэссэдээтэлэ Светлана Николаевна Соловьева ылла. «СР бочуоттаах бэтэрээнэ» бэлиэнэн Ада Дмитриевна Соловьева (Хаандыга), Ыҥаа нэһилиэгин бэтэрээннэрин сэбиэтин бэрэссэдээтэлэ Евдокия Гавриловна Захарова наҕараадаланнылар. Бэтэрээннэр республикатааҕы обществоларын Бочуотунай грамотатын Мария Александровна Голикова (Тополинай), «Магаданскай трасса» музей директора Зинаида Викторовна Зорина (Теплай Ключ), Саһыл нэһилиэгин бэтэрээннэрин сэбиэтин бэрэссэдээтэлэ Валентина Алексеевна Мекюрдянова ыллылар.

Бэтэрээннэр күннэрин чэрчитинэн, быраастар биригээдэлэрэ бэтэрээннэри көрдө. Терапевт, окулист, кардиолог уонна эндокринолог кырдьаҕастар доруобуйаларын туругун көрдүлэр-иһиттилэр, консультация биэрдилэр.

Оройуон олохтоохторугар бэтэрээннэр ыҥырыы таһаардылар.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 657 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ