Быйыл улуус баһылыгынан талыллыбыт Андрей Ноговицын бу күннэргэ республика министерстволарыгар уонна ведомстволарыгар улуус социальнайсуолталаах боппуруостарын быһаарса сылдьар. Соҕотох сэтинньи 14 күнүгэр кини үс миниистири кытта көрүстэ, диэнСР ОДЬКХуоЭ Министерствотын пресс-сулууспата иһитиннэрэр.

Андрей Ноговицын бэйэтин этиитигэр муниципальнай орган ОДЬКХуоЭ министерствотын кытта бииргэ үлэлээһинэ суолталааҕын бэлиэтээтэ.

Чурапчы улууһугар «Манчаары оонньуулара» бөдөҥ спортивнай күрэхтэһии буолбутунан, коммунальнай хаһаайыстыба уонна энергетика өттүттэн элбэх оҥоһуллубута.

Ол курдук, нэһилиэккэ инвестиционнай программанан саҥа хочуолунай киирбитэ, подстанция саҥардыллыбыта, от ситимнэрэ олоччу уларытыллыбыттара, уулуссаны сырдатыыга, анал техниканан хааччыйыыга элбэх үлэ ыытыллыбыта, уонна да элбэх.

Чурапчы баһылыгын бастакы солбуйааччы Алексей Ноговицын газификация программатыгар киллэриллибэтэх 10 нэһилиэги киллэрэн, инвестиционнай программаны уларытарга этии көтөхтө. Чааһынай олорор дьиэ фондатын уот ситимигэр холбооһун туһунан боппуруос көрсүһүү сүрүн боппуруоһунан буолла. Онно миниистир 2016 сыллаахха диэри ыытыллар программаҕа кыттыһарга өссө да хойут буолбатах диэн бэлиэтээтэ. Ити нэһилиэктэргэ тутуллубут хочуолунайдар кыамталара улахан.

Улуус салалтата оттук энергетика былааннамыт кээмэйин кэмигэр аҕалбыттарыгар махтанна.

Көрсүһүүнү түмүктүүрүгэр миниистир Алексей Колодезников эттэ:

- 2014 сыллаахха Сылаҥҥа саҥа оскуола тутуллуо, эбийиэк үчүгэйдик үлэлииригэр хочуолунайы тупсарыахпыт. 2015 сыллаахха бу нэһилиэккэ өссө хочуолунайдааъ саҥа балыыһа тутуллуохтаах.

Министерствоҕа киириэхтээх эбийиэктэр былааннарын сотору кэминэн киллэриҥ.

Биһиги кыттыгас сорукпут – эһиги былааннаргыт биһиэннэрин кытта сөп түбэһиэхтээхтэр.