Өрүс уҥуор олорор дьону ордук газификация боппуруоһа долгутар. Кинилэр этэллэринэн, хас сыл аайы нэһилиэк территориятыгар оттугу хаһааныы ыараан иһэр. Билигин маһы нэһилиэнньэлээх пуунтан 60 биэрэстэлээх эрэ сиртэн кэрдиэххэ сөп.

"Газ хаһан эмэ киирэр дуу, суох дуу", - диэн ыйыталлар олохтоохтор.

Билиҥҥи кэмҥэ, президент эппитинэн, тыа сирин газификациялааһын программатын 2015 сылга диэри былааннаммыт үлэтэ түмүктэнэн эрэр. Салгыы аныгыскы биэс сылга программа оҥоруу тэрээһиннэрэ саҕаланыахтара. Инникитин Чурапчы, Таатта, Уус-Алдан оройуоннарын газификациялааһын саҕаланыахтаах. Онно таарыччы Илин Эҥэр чугас сытар нэһилиэктэрэ хабыллыахтара.

Оройуон олохтоохторун оҕо саадын уонна учаастактааҕы балыыһа тутуулара долгуталлар. Элбэх ыйытыы оттооһун хампаанньатыгар киирдэ.