Бырабыылалыстыба бэрэссэдээтэлин солбуйааччы  Александр Власов уонна Александр Соловьев, тырааныспар, суол хаһаайыстыбатын, ДьКХ, ыччат, дьиэ кэргэн политикатын министиэристибэлэрин, сыана политикатын–РЭК государственнай кэмитиэтин салайааччылара нэһилиэнньэ ыйытыгар хоруйдаатылар. Ити туһунан өрөспүүбүлүкэ баһылыгын уонна бырабыыталыстыбатын дьаһалтатын көрдөрөр-иһитиннэрэр средстволары кытта үлэ управлениета иһитиннэрэр.

Бырабыыталыстыба көһө сылдьар мунньаҕар кыттыбыт дьон сотору кэминэн уһук хоту сирдэртэн дьону көһөрүү чэрчитинэн пенсионердарга олорор дьиэ сертификатын биэрии, оройуоҥҥа хотугу коэффициент дьайыытын, оттук кэмигэр олорор дьиэ фондатын бэлэмнээһин, тулалыыр эйгэ киртийиитин, авиабилиэт, аһылык сыаналара үрдүгүн, самотет паарката олус эргэрбитин, бэтэрээннэри Дьокуускай куоракка толору хааччыллыылаах дьиэлэринэн хааччыйыы, о.д.а. тустарынан ыйытыктары туруордулар.  

Уһук хоту сирдэртэн дьону көһөрүү, кинилэргэ олорор дьиэ сертификатын биэрии олус сытыырхайан уонна уустугуран турар кыһалҕа буолбута быданнаабытын дьон эттэ. Усуйаана дьоно маннык сертификатын ылар туһугар уоунан сыл уочаракка турарга күһэллэр. Сыл аайы итиниэхэ федеральнай бюджеттан 100 мөл. солк. тус сыаллаахтык көрүллэр. 2014 сылга ити үп-харчы 307 мөл.солк. диэри улааппыт. Республикатааҕы уочаркка турар дьоҥҥо барыларыгар олорор дьиэ сертификатын биэрэргэ 4 млрд. солк. наада. Александр Власов кыаммат араҥаҕа киирсэр дьоҥҥо атын социальнай өйөбүллэр тустарына кэпсээтэ. Холобур, кииннэммит ититиигэ холбонууга биир кэмнээх өйөбүл, кэтэх дьиэни туттарга төлөбүрдэр тустарынан эттэ.

Муниципальнай былаас уорганын үлэтэ көдьүүстээх буоларыгар дьон этиитин бырабыыталыстыба чилиэннэрэ болҕомтоҕо ыллылар. Ону таһынан дьиэни, инфраструктураны тутууга өрөспүүбүлүкэ бюджетыттан хос үбүлэммэт бырагыраамаларга көхтөөхтүк кыттар наадалааҕын эттилэр.