Конкурс кыайыылаахтара биэс номинациянан быһаарылыннылар. «Саха Республикатын ыччатын общественнай тэрилтэлэрин СР тас өттүгэр баар ыччатын интэриэстэрин көмүскүүр дьайыыларын өйөөһүн» номинацияҕа 315 тыһыынча солкуобайдыыны икки бырайыак ыллылар - «АйТал» ыччат общественнай хамсааһына (Москва к.) уонна Санкт-Петербург общественнай тэрилтэтэ «Саха Республикатын ыччатын “САЙДЫЫ” Ассоциацията» (Санкт –Петербург).

130 тыһыынча солкуобайы «Үлэ тэрилтэлэригэр ыччат сэбиэттэрин дьайыыларыгар өйөбүл» номинацияҕа «ТОК» ыччат тэрилтэтэ» коммерческайа суох партнердаһыы (Нерюнгри к.) үлэһит ыччат бастыҥ өйдөбүнньүгүн бырайыагын иһин.

«Саха Республикатын Ыччатын парламена» общественнай тэрилтэ (Дьокуускай к.) «Ыччат бастыҥ бизнес-бырайыага» номинацияҕа кыайда. «Саха сирин ыччатын портала» бырайыагы олоххо киллэриигэ 630 тыһыынча солкуобай бэрилиннэ.

«Волонтерствоны сайыннарыыга бастыҥ бырайыак» номинацияҕа икки кыайыылаах быһаарылынна: «Бүтүн Россиятааҕы инбэлииттэр обществоларын Дьокуускай куораттааҕы тэрилтэтэ» (Дьокуускай к.) общественнай тэрилтэ уонна «СР-тын волонтердары кытта үлэҕэ Киинэ» (Дьокуускай к.) автономнай коммерческайа суох тэрилтэ. Кинилэр «Саҥа олохо» уонна «Добровольческай этэрээттэри үөрэтэр республикатааҕы координатордар слеттара» бырайыактара бастакыта- 200 тыһыынчаны уонна иккиһэ - 430 тыһыынча солкуобайы ылыахтара.

«А.Е. Кулаковскай “Якутской интеллигенции” социальнай-экономическэй үлэтин Саха Республикатын ыччатын ортотугар киэҥник тарҕатыы бырайыага» «А.Е. Кулаковскай айар үлэтин уонна үлэтин киэҥник тарҕатыы» номинацияҕа «Эдэр инновационнай Саха сирэ» Республикатааҕы общественнай тэрилтэ (Дьокуускай к.) бастаата. Итини олоххо киллэриигэ 630 тыһыынча солкуобайдаах грант бэрилиннэ.