Егор Борисов тыл этиитигэр Саха сирин, Хотугу Форум бырайыактарын туһунан сиһилии кэпсээтэ. Хотугу Форумҥа инники кирбиигэ тутуллар өрүттэргэ кини тохтоото. Бу секцияҕа Арктика боппуруостарыгар РФ президенин бэрэстэбиитэлэ Артур Чилингаров, Исландия Акурейри муниципалитетын баһылыга Эрикур Бьорн Бьергвинссон, Арктика порталын дириэктэрэ Халлдор Йоханссон,о.д.а. кытыннылар.

Хотугу Форум бырайыактара мустубут дьон ураты болҕомтотун тарта. Франция Polar Risk бырайыагын кытта бииргэ үлэлиир туһунан этии киирдэ.

Сэтинньи 2 күнүгэр Егор Борисов Москваҕа көттө.

Саха сириттэн тиийбит делегация Исландияҕа салгыы үлэлээтэ. Акурейри муниципалитекка Хотугу Форум регионнааҕы координатордарын кэмитиэтин мунньаҕа буолла. Онно Исландия президенэ тойон Олафур Рагнар Гримссон, Аляска (АХШ) штатын вице-губернатора Мид Трэдвеллкытыннылар.

Исландия президенэ Хотугу Форум үөскүрүгэр кыттыбытын ахтан-санаан ааста.

Тойон Трэдвелл иһитиннэриитэ болҕомто киинигэр турда. Национальнай таһымҥа ыарахаттар баалларын да үрдүнэн, Хоту Форум регионнарын икки ардыларынааҕы үлэ көхтөөхтүк ыытыллыахтааҕар кини тохтоото. Регионнааҕы координатордар Хоту Форум 2015 сыллааҕы бюджетын, каадыр, о.д.а. боппуруостарын ырыттылар.