Саха сирин баһылыга Егор Борисов, РФ куттал суох буолуутун сэбиэтин сэкэритээрин солбуйааччы Евгений Лукьянов  уонна РФ Федерация Сэбиэтин чилиэнэ, Арктика уонна Антарктика аан дойдутааҕы бииргэ үлэлээһиҥҥэ РФ президенин бэрэстэбиитэлэ Артур Чилингаровтэрээһиҥҥэ Россия аатыттан кытталлар.

Саха сирин баһылыга Егор Борисов форум иккис күнүгэр «Арктика регионнара» пленарнай мунньахха тыл этиэҕэ. Исландия салалтатын, «Хотугу форум» бэрэстэбиитэллэрин, сахалары кытта көрсүөҕэ.

Рейкьявик аэропордугар  Егор Борисовы  Исландияҕа РФ посола Антон Васильев көрүстэ. Федеративнай сыһыан уонна тас сибээс миниистирэ  Владимир Васильев, РФ омук дьыалаларыгар министиэристибэ Дьокуускайга бэрэстэбиитэлэ Николай Дьяконов, о.д.а. Саха сириттэн тиийбит делегация састаабыгар киирдилэр.

«Арктика эргимтэтэ» форум былырыын Исландия президенэ Олафура Рагнара Гримссон көҕүлээһининэн аан бастаан ыытылылбыта. Манна Арктиканы интэриэһиргиир бырабыыталыстыбаннайа суох тэрилтэлэр үлэһиттэрэ, учуонайдар аһаҕастык кэпсэтиэхтэрэ.

Циркумполярнай государстволар (Россия, Канада, АХШ, Дания, Гренландия уонна Фарерскай арыы, Финляндия, Норвегия, Швеция, Исландия) эрэ буолбакка, Кытай, Индия, Сингапур, о.д.а. Арктикаттан ыраах государстволар бу тэрээһиҥҥэ көхтөөхтүк кытталлар.

Экономическай хардарыта үлэлээһин уонна сайдыы тэрилтэтин генеральнай сэкэритээрэ Хосе Анхель Гурриа, Германия федеральнай канцлера Ангела Меркель,  Финляндия президенэ  Саули Нийнисто,о.д.а. ыҥырыылаах ыалдьыт буолуохтаахтар.