Кини этэринэн, уопсайа 1 437 дьиэ табалара барсыбыттар. Олортон бас билээччилэргэ 400 кэриҥэ таба төннөрүлүннэ. «Өлөөн» табаны иитэр совхоз директора Марина Николаева эрдэ иһитиннэрбитинэн, сабаҕалаан ааҕыынан «куоппут» ыстаада 15 мөл солкуобайынан сыаналанар, ону таһынан, хаһаайыстыба бас билиитинэн ааҕыллар табалар страховкалара суох.

«Кыыл табалар дьиэ табалара аһыыр сирдэригэр киириилэрэ алтынньы бүтүүтүгэр бэлиэтэммитэ: кыыл табалар көһүүлэрин хайысхата Красноярскай кыраай территориятыгар халтараан буолбутуттан уларыйда. Барыллаан ааҕыынан, бу оройуоҥҥа кыыл таба 200 тыһыынча кэриҥэ ахсааннаах, оттон таба иитэр хаһаайыстыбаларга 5 900 төбө баар», - диэн иһитиннэрдэ Слепцов.

Кини итини таһынан Минсельхоз суһал бэрээдэгинэн көрдүүр этэрээттэрин тэрийбит - табаһыттарга снегоходтары, оттук матырыйаалларын биэрбиттэр, эбии территорияны үөһэттэн көрөр авиацияны кытыарбыттар. Ити көмөтүнэн, табалар сорохторо көһүннүлэр, төнүннүлэр. Слепцов бигэргэтэринэн, көрдөөһүн салҕанар.