“Биһиги күһүн аайы бары нэһилиэктэртэн, бааһынай хаһаайыстыбалартан уонна чааһынай дьонтон сүөһү тутан, механизациялаах буойунабытыгар өлөрөн, эрдэттэн эт бэлэмниибит. Быйыл 1300 төбө сүөһүнү туттубут. Дьаарбаҥкаҕа сүөһү аҥарынан, атаҕынан уонна эрбэммит кыра куһуоктарынан атыылыахпыт. Маннык дьаарбаҥкалары сылга хаста да оҥоробут, Дьокуускай олохтоохторо хамаҕатык атыылаһаллар”, -- диэн “Чурапчы” ТХПК экэнэмииһэ Михаил Васильев кэпсээтэ.

“Чурапчы этэ” диэн уос номоҕор киирбит, “бренд” буолбут сибиэһэй бородууксуйаны “Уют-Центр” атыы киинигэр (Сэбиэскэй Аармыйа 50 сыла уул., 5) тиийэн атыылаһыаххытын сөп.