Ити күн такси  суоппара таксины  аадырыһар ыҥырбыт эр  киһи массыынаҕа  олороот быһаҕынан тирээн  киниттэн үс  тыыһынча солкуобайы былдьаабытын тыллаабыт. Полициялар  быһылаан буолбут сиригэр тиийэн,  31 саастаах  Аллараа Халыматтан  төрүттээх, хас да  төгүл  сууттаммыт уорбаланааччыны туттулар. Бу чахчынан холуобунай дьыала тэрилиннэ.

Сэтинньи 16  күнүгэр  Табаҕа  бөһүөлэгин 73 саастаах олохтооҕо утуйа сытан  туох эрэ тыаһаабытыттан  уһуктубута,  куухунатыгар илиитигэр быһахтаах билбэт эр киһитэ холодильныгы чүүччэйэ сылдьар  эбит. Хаһаайка уһуктаһаҕын көрөн, харчы  көрдөөбүт. Киириэхсит харчы  көрдөөн  солото  суох  сырыттаҕына,  дьахтар  полицияны ыҥырбыт. Олор кэлэн миэстэтигэр 48 саастаах, урукку  өттүгэр  сууттана сылдьыбыт Лиэнскэйтэн  төрүттээх  киһини  туттулар. Холуобунай  дьыала  тэрилиннэ.