Тэрээhин биир бэлиэ түгэнинэн Чурапчы улууhунааҕы аграрнай техникум уонна Саха государственнай тыа хаhаайыстыбатын академиятын икки ардыгар бииргэ үлэлэhиигэ сөбүлэҥ түhэристилэр.

Академия ректора, Ил Түмэн депутата Леонид Владимиров тыл этэригэр техникум салалтатыгар махталын тириэртэ уонна бу сөбүлэҥ улахан кэскиллээҕин бэлиэтээтэ. Инникитин техникум үлэhиттэригэр идэлэрин үрдэтинэллэригэр, научнай-чинчийэр үлэни ыытыыга, методическай уонна үөрэх программаларын оҥорууга көмө-тирэх буолуохпут диэн мэктиэлээтэ. Маны таhынан, «мастер производства молочной продукции» уонна «специалист по земельным и имущественным отношениям» идэлэргэ үөрэнэр үстүү бастыҥ устудьуону быhа иккис эбэтэр үhүс куурустан бюджетнай миэстэҕэ ылыахпыт диэтэ.

Аграрнай техникум дириэктэрэ Андрей Попов академия салалтатыгар махтанна уонна тыа хаhаайыстыбатынан дьарыктанар улууска маннык сөбүлэҥ түһэрсиллиитэ улахан суолталааҕын бэлиэтээтэ. Техникум иннигэр өссө элбэх былааннар баалларын, олох ирдэбилигэр эппиэттиир саҥа идэлэргэ үөрэтиэхтэрин кэпсээтэ. Маны сэргэ сыл аайы Чурапчыга академия күннэрин, оттон академияҕа аграрнай техникум күннэрин ыытыахха диэн этиитин көрсүһүү кыттыылаахтара сэргии иhиттилэр.