Үс вице-премьердартан иккитэ олохтоох салайыныыга уопуту мунньуммут дьон. Ол курдук, Виктор Омуков Арктикаҕа таһаҕаһы тиэйии иһин эппиэтинэһи сүгүөн сөп. В.Омуков 1998 сылтан 2008 сылга диэри Өлүөхүмэ улууһун ситиһиилээхтик салайбыта. Вице-премьер дуоһунаһыгар кандидат Игорь Никифоров Дьокуускай куорат баһылыгын солбуйбута, кини территория сайдыытын иһин эппиэттээх этэ. Култуура, духуобунай сайдыы миниистиринАндрей Борисовы солбуйбут Владимир Тихонов 2007 сылтан ыла Сунтаар улууһун салайбыта. Үлэ, социальнай сайдыы миниитсиринэн анаммыт Александр Дружинин 1990 сылтан Жатайга үлэлээбитэ. Амма улууһун баһылыгынан үлэлээбит Александр Артемьевы тыа хаһаайыстыбатын миниистиринэн аныырга Егор Борисов этии киллэрдэ. Кини 20-тэн тахса сыл «Амма» СХПК-гар үлэлээбитэ, тустаах үөрэхтээх, 2003 сылтан ыла улуус баһылыгынан тахсыылаахтык үлэлээбитэ. Тыа хаһаайыстыбатын миниистиринэн үлэлээбит Иван Слепцов тыа хаһаайыстыбатын федеральнай министиэристибэтигэр үлэлии барыан сөп. Онно кини саҥа тэриллэр үгэс буолбут салаа департаменыгар үлэлиэхтээх.