Олафур Гримссон Arctic Circle ассамблеяҕа аан дойду 40 дойдутуттан 1400 делегат кыттарын бэлиэтээтэ.

Кини Исландия Европа уонна хоту Эмиэрикэ икки ардыларыгар или-эйэнэи олохтуур муоста кэриэтэ буоларын ойуччу тутан бэлиэтээтэ. Арктика эргимтэтигэр Азия дойдуларын Кытайы, Японияны, Сингапуру киллэрэр баҕалааҕын биллэрдэ.

Аан дойду таһымыгар политическай быһыы-майгы уларыйбыт кэмигэр РФ уонна Исландия хардарыта сыһыаннара балачча үчүгэйин, Исландия Россия доҕоро буоларын кини эттэ. Дойду президенэ  Владимир Путины кытта истиҥ сыһыаннааҕын кини бэлиэтээтэ.

Егор Борисов Арктикаҕа хардарыта бииргэ үлэлээһини сайыннарыыга регионнар кыһалҕаларын ырытырга, Арктика эргимтэтин чэрчитинэн быйылгы тэрээһиҥҥэ Квибек Канада провинциятын, Норвегия Шпицбергенын уонна Саха Өрөспүүбүлүкэтин билиһиннэрбиттэрин курдук презентациялары оҥорор тоҕоостооҕун эттэ.

Ону таһынан Егор Борисов Исландия президенэ уонна форум сэкэритэрийээтэ Хоту Форумнуун холбоһуктаах тэрээһини Саха сиригэр ыытылларыгар этии киллэрдэ. Ирбэт тоҥ уларыйыыта кэпсэтиһии үөһүгэр туруон сөбүн кини чиҥэтэн эттэ.

Ити этиини Олафур Гримссон олус интэриэһиргээтэ.

Россия коллегалара Егор Борисов этиитин өйөөтүлэр уонна көмөлөһүөх буолан эрэннэрдилэр.

Түмүккэ кинилэр өйдбүнньүк сувенирдары бэйэ-бэйэлэригэ бэлэхтэстилэр.