Уус-Алдан улууһа уонна страхование хампаанньалара бииргэ үлэлииргэ дуогабар түһэристилэр

Муус устар 15 күнүгэр Уус-Алдан улууһун баһылыга Алексей Федотов, “Стерх” страховой хампаанньа генеральнай директора Семен Березин уонна “Сахамедстрах” государственнай страховой медицинскэй хампаанньа генеральнай директора Галина Варфоломеева бииргэ үлэлиир туһунан дуогабарга илии баттаатылар.


Дуогабар чэрчитинэн страховой хампаанньалар биһиги улууспутугар сылга биирдэ Страховой хампаанньалар күннэрин ыытыахтаахтар, страхование туһунан нэһилиэнньэҕэ уонна тэрилтэлэргэ сиһилии быһааран биэриэхтээхтэр, улууска үлэлиир страховой агеннары үөрэтиэхтээх. Оттон улуус нэһилиэнньэни уонна тэрилтэлэри кытары көрсүһүү тэрийэргэ көмөлөһүөхтээх уонна дуогабарга көрүллүбүт эбээһинэстэри толорууга кураторы аныахтаах.
“Стерх” ААО генеральнай директорын солбуйааччы Анатолий Аммосовэппитинэн, тэрилтэлэри, ордук оҕо саадтарын уонна оскуолалары страховкалааһын олус наадалаах. Ордук социальнай дьиэлэри баһаартан, халаан уутуттан о.д.а. хорумньуну таһаарар быһылааннартан страховкалыыр олус туһалаах. Дьокуускайтан кэлбит делегация: “Атын улуустары кытары холоотоххо, Уус-Алдан улууһа страхование өттүгэр үчүгэйдик үлэлиир” – диэн бэлиэтээтэ.