Дьон-сэргэ биһирэбилин ылан, быйыл төрдүс сылын ыытыллар фестивальга Саҥа дьыллааҕы тэрээһиннэр: муус оҥоһуктар куораттарын арыйыы, тоҥ балык бырааһынньыга, муус аннынан балыктааһын ыытыллыахтара. Быйылгы сыл биир уратытынан куорат тоҕус ресторана кыттыылаах «Саха сирин амтана» фестиваль тэриллибитэ буолла.

«Саха сирин амтана» куорат рестораннарын үлэлэрин тупсарар тускуллаах. Манна саха, Хотугу сир аҕыйах ахсааннаах норуоттарын, онно олохтоох нуучча аһа-үөлэ тардыллыа», - диэн бэлиэтээтэ Айсен Николаев.

Фестиваль ахсынньы 7 күнүгэр тоҥ балык бырааһынньыгынан түмүктэниэҕэ.

Предпринимательство дьыалаларыгар, туризм сайдыытыгар министр Екатерина Кормилицына «Кыһын Саха сириттэн саҕаланар» тэрээһин региоҥҥа туристар кэлиилэрин хааччыйар республика биир брединэн буоларын ыйда.