«Фестивалга биһиги куорат олохтоохторугар уонна ыалдьыттарыгар киэҥ далааһыннаах культурнай, общественнай уонна спортивнай тэрээһиннэри бэлэмнээтибит», - диэтэ куорат администрациятын баһылыга Айсен Николаев сэтинньи 30 күнүгэр пресс-конференция кэминэр. Мэр тэрээһин сүрүн соругунан — аан дойдуга саамай тымныы кыһыннаах куоракка сылаас сыһыан, үөрүү уонна көр-күлүү баарын көрдөрүү. «Бырааһынньык биэрэр иэйиилэрэ умнуллубаттар, олору Дьокуускайтан эрэ ылыахха сөп», - диэн бэлиэтээтэ кини.

Фестиваль иннинэ дьону тымныы кэмҥэ аралдьытар эрэ буолбакка, республика туристары угуйуу соругу турар. Фестивальга дойду бары муннуктарыттан номнуо билиилээх блогердар уонна журналистар кэллилэр. «Биһиги алмаастаах кыраай киин куората эрэ буолбатахпыт, ити өйдөбүл наһаа кыараҕас буолла. Дьокуускай — ураты куорат, манна муҥутуур күн-дьыл туруга уонна ордук тус-туспа омук уратылара бааллар», - диэтэ Николаев.

«Кыһын Саха сириттэн саҕаланар» фестиваль ахсынньы 1 күнүгэр «Чочур Мураан» комплекска бырааһынньыктааҕы программаттан саҕаламмыта, оттон 12.00 чааска бары таптыыр Тоҥ балык бырааһынньыга «Кыайыы 50 сыла» спорт Дыбарыаһыгар, 14.00 чааска 202 микрооройуоҥҥа «Муус городогу» үөрүүлээхтик аһыы, 16.00 чааска Орджоникидзе болуоссатыгар Саҥа дьыллааҕы елканы аһыы буоллулар. Бу күн Саха Республикатын Государственнай циркэтигэр «Кыһыҥҥы түүҥҥэ» оҕолорго аналлаах программанан түмүктэннэ.