Конкурс кыттыылаахтарынан государственнай уонна муниципальнай, коммерческай уонна коммерческайа суох тэрилтэлэр, бэйэни салайыныы территориальнай общественнай органнар уонна куорат олохтоохторо буолуохтарын сөп.

Конкурс сыаланан куораты уотунан уонна иллюминациянан уус-уран киэргэтии, территорияны кыһыҥҥы тупсарыы буолар.

Сайаапкалары сэтинньи 25 күнүттэн ахсынньы 25 күкүгэр диэри ылаллар. Түмүктэр 2014 сыл тохсунньу 14 күкүгэр диэри тахсыахтара.

Сайаапкалары: Дьокуускай к., Киров уул., 18, В блок, 904 кабинекка биэрэххэ, 32-50-13 телефонунан билсиэххэ сөп. Сайаапкаҕа бырайыак ойуутун, кыттааччы аатын, аадырыһын уонна телефонун, баан реквизиттарын, ону таһынан билсиһиннэриини электроннай көрүҥүнэн «PowerPoint» форматынан киллэриҥ.

Куораттааҕы конкурс маннык номинацияларынан ыытыллар: тэрилтэлэр уонна ведомстволар ортолоругар – «Дьиэ тас көрүҥүн уонна аттыгар баар территорияларын уотунан бастыҥ киэргэтии», «Бастыҥ Сылгы сылын муус скульптурата (композиция)»; Атыы-эргиэн кииннэрин ортолоругар – «Дьиэ тас көрүҥүн уонна аттыгар баар территорияларын уотунан бастыҥ киэргэтии», «Бастыҥ мууһунан скульптура (композиция)»; маҕаһыыннарга – «Дьиэ тас көрүҥүн уонна аттыгар баар территорияларын уотунан бастыҥ киэргэтии»; ураты көстүүлээх атыы-эргиэн тэрилтэлэригэр – «Дьиэ тас көрүҥүн уонна (витрина) уонна аттыгар баар территорияны бастыҥ киэргэтии»; аһыыр сирдэр, рестораннар – «Дьиэ тас көрүҥүн уонна аттыгар баар территорияларын уотунан бастыҥ киэргэтии»; Олбуордарга – «Биирдиилээн олохтоохтор олбуордары уонна территориялары бастыҥ киэргэтиилэрэ», «Салайар хампаанньалар уонна ТОББ-рин олбуордарынан бастыҥ уотунан киэргэтии».

Конкурс кэмииссийэтин куорат баһылыгын бастакы солбуйааччы Игорь Никифоров салайар.

Хас биирдии номинацияҕа кыайыылаахтар 100 000-түү солкуобайынан наҕараадаланыахтара, диэн уокуруктааҕы Департамент иһитиннэрэр.