Саҥа Дьыл туһунан кэрэ саха остуоруйатынан республика сүрүн елкатын уотун уматыы сиэрэ-туома саҕаланна. Бары ахсынньы 5 күнүгэр Ленин болуоссатыгар буолуохтаах түгэни кэтэспиттэрэ.

15 миэтэрэлээх елкаҕа кедр мас лабаатын Алдан оройуонуттан анаан аҕалбыттара. Елка уотун уматыы кэнниттэн светодиоднай гирляндалар, араас өҥнөөх шариктар уонна хаардар - Саҥа Дьыллааҕы киэргэллэр кустук дьикти өҥүнэн дьиримнэһэ түстүлэр.

Фейерверк, сыыртан хатааһылааһын, ырыалар, хороводтар, Хаарчаана уонна Тымныы Оҕонньор эҕэрдэлэрэ, тэрээһин саамай көхтөөх кыттааччыларыгар минньигэс бэлэхтэр —бу барыта куорат олохтоохторугар дьиҥнээх бырааһынньык уонна Саҥа Дьылга бэлэмнэнии официальнай саҕаланыыта буолла.