Дьокуускайга “Туймаада” атыы-эргиэн киинигэр «Краски жизни» үтүө санааланыы Саҥа дьыллааҕы дьаарбаҥката буолла

Бу күн 14общественнай тэрилтэ, олор ортолоругар республикатааҕы анал коррекционнай оскуола-интернат, обургу оҕо киинэ, инбэлиит оҕолорго аналлаах Дьокуускай куораттааҕы общественнай тэрилтэ, Таатта улууһуттан “Тускул” киин, Мэҥэ-Хаҥаластан “Кэскил” психологическай, медико-социальнай киин, о.д.а. кытыннылар. Кинилэр оҕолору кытта бэлэмнээбит эҥинэ киэргэллэрин, харыйа оонньуурдарын, открыткалары, куукулалары, шкатулкалары, үтүлүктээх бэргэһэлэри, араас минньигэс астары о.д.а. аҕалан атыылаатылар. Оттон ыалдьыттар кинилэр оҥоһуктарын атыылаһаннар, тэрилтэлэр киллэриммит харчыларынан оҕолорго аналлаах бырайыактарын олоххо киллэрэллэригэр көмөлөстүлэр. Онон чахчы, хайа да өттүттэн үтүө санааланыы дьаарбаҥката буолла.

Маны сэргэ, тэрээһин кыттыылаахтара маастар-кылаастары ыыттылар. Баҕалаахтар оҕуруонан киэргэли, Саҥа дьыллааҕы эҕэрдэ открыткалары оҥорорго, харыйа симэҕин толкуйдаан киэргэтэн бэлэмнииргэ, о.д.а. үөрэннилэр.

Дьаарбаҥкатыттан дьон-сэргэ олус үөрэн, астынан тарҕаста.